ديوان سمو الأمير خالد الفيصل

02.11.2009, 12:13


	(يــاعـــــــــل قـــلــب ) يا عل قلب ما شكا الحـب والتـاع تنهار من فوقـه محانـي ضلوعـه يا ما نهيت القلب لا شك ما طـاع ما طاع يـد لـه والليالـي تلوعـه أثر المولّع دمعتـه تجـرح القـاع وإلى ذكر ما فات هلّـت دموعـه يفـز قلبـي تالـي الليـل مرتـاع أخاف تبعد عـن ربوعـي ربوعـه الموت كان العرف عقب البطا ضاع والمنتحى يا سعود صعبٍ رجوعـه في غير شوف العين ما نيب طمّاع حقّه علي أمشي بـدرب المطوعـه أبو عيونٍ رمشهـا سـود ووسـاع في ذبحها العاشق فتـون وبتوعـه

02.11.2009, 12:14


	(لاتلتـــفت) لا تلتفـت يـمّ خلـق الله ما احدٍ من الناس يشبه لك الله عطاك الحلـى كلّـه وتّقاسموا باقيـة فضلـك أنت القمر بيـن الأهلّـه نورك وجذّابك وشكلـك القلب برضـاي محتلّـه لوتظلمه قلت من عدلـك

02.11.2009, 12:15


	(غربة الاشواق ) في غربتي ، عارضت أنا ركب الأغراب أشـد .. وأنـزل .. والليالـي ركايـب أضداد .. وأقران وعدوان .. وأصحاب متناقضـات الخلـق .. ماغـاب غايـب وقامت تجاذَبني على درب .. الأسبـاب نفس الشبـاب .. يحدهـا عقـل شايـب أصبح على فجرٍ ضحوك(ن) .. وعجاب وأمسي على همسات ، ستـر العجايـب أسهر مـعَ تهويـم نجمـات الأحبـاب حتـى يصيـر النجـم بالصبـح ذايـب مشيت في رمضا .. وسنّـدت بهضـاب وعارضني سيول(ن) ، وهبّـت هبايـب وأمسيت في صحرا .. و قيّلت في غاب ومن طاول الغربات ، شـاف الغرايـب مرتني الدمعـه ، بهـا الوجـد مـاذاب في غربة الأشـواق ، راحـت ذهايـب ومرتني البسمه ، تقـل فوقهـا حجـاب وراك خـجـلا يـارسـول الحبـايـب والحب.. مريته غريب(ن) علـى بـاب عقب القصور .. أمست بيوته خرايـب بغيت أسلي خاطـره .. عقـب ماشـاب لقـيـت مـالـه بالتسـلـي طـلايـب أقفى مع المقفين .. وجـل(ن) ومرتـاب على عقـوق الوقـت ، بالحيـل عايـب في غربتي .. مريت رجلـي وركّـاب أرزاق .. من رب الخلايـق ، وهايـب

02.11.2009, 12:16


	(تــــوك تـــجي) توك تجي وش عندنا لك ترتجي لانا أنا ولا الزمان هو الزمان ولا المكان هو المكان ولا القلوب ذيك القلوب اللي توقد لك شبوب تقدرتعود ترجع تولّع أو تذوب توك تجي فوق الغيوم غابت نجوم تركت على عمري رسوم تحكي لطلاب الهوى قــصــة نوى قصة كتبناها سوا انت بجفا وأنا بعذاب توك تجي توك تجي .. لا لا تجي خلك كذا خلك شذا من غير زهور موجه على ظلمة بحور خلك على مر الزمن لحن وشجن عشته معاك ساعة هواك أحسن تروح عني بعيد أخاف تجيني واجرحك لا...لا تجي

02.11.2009, 12:17


	(قريت خطـك ) قريت خطّك بـالوفا عشر مرّات في كل مرّه تنثـر العيـن ماهـا ذكرتني هـاك الليـال الجميـلات لو كان قلبي ذاكر(ن) مـا نساهـا من عقبكم ما عاد للعيـش لـذّات ما التذّ في دنيـا مخالـف هواهـا اليوم انا مثلـك جـداي التنهـات عيني تهل دموعهـا مـن عناهـا هايم بعيد الدّار سهران مـا بـات أتبع هواجيس(ن) بعيد(ن) مداهـا نار(ن) تلهّب بين الاضلاع زافات نار(ن) لجت بالخوف العالي سناها

02.11.2009, 12:19


	(الحزن في صوتك ) الحزن في صوتك ازعج ساكنـي لين صار الكون من حولي حزين غصب عني حزن صوتك هاجني لين خلّى عاصي المعنـى يليـن وامتثل حرف القصيـد وعادنـي وانسكب شعرك على حزني حنين شلت انا صوتك وحزنك شالنـي اكتم الصرخه وينسـاب الأنيـن شفت حزنك كيف حزنك شافنـي كيف داهم خلوتي فـي لحظتيـن طير انا مثلك زمانـي ضامنـي جرحتني مثلك سيـوف السنيـن صابك اللي من زمانـي صابنـي في معاليق الحشا جرحـه دفيـن كلّمـا ودعـت هـم زارنــي من عذاب الوجـد بيـاح الكنيـن الفرح عقـب الصداقـه هابنـي خافت البسمه على وجهي تبيـن طير ياللي صوت حزنك صابني الله اللـي ينتصـر للصابـريـن

02.11.2009, 12:20


	(ظلمتـــني) ظلمتنـي والله قــوي يجـازيـك باللي بلاني خالق النـاس يبـلاك شابهت عدواني وانا طامع(ن)فيـك اقرب قريب(ن) لي هقيت انه اياك اللي جرالي منك ماهوب خافيـك روحي على حد الخطر من سواياك والله ماغيـرك بقلبـي يـوازيـك اغلى من الدنيا على الخد ماطـاك أشفق على اللايم إلى جاب طاريك ودي يطول الشرح في حال طرياك الشاهد الله من كثر مانـي أغليـك في سبّتك لو راحت الروح تفـداك

02.11.2009, 12:21


	(حــــدر القـــمر) حدر القمـر صـوّت لخلّـه ونـاداه ثــلاث مــرات وبالرابـعـه ون حدر القمر ياما همـس لـه وناجـاه وعيونهـم يـامـا بـنـوره تـلاقـن والبارحة عـدا علـى الذيـب بعـواه وقفـت ظنونـه باللـيـال يتـعـادن مـر(ن) حوالينـه ومـر(ن) تعـداه ومر(ن) تضاحك له ومـر(ن) تباكـن هاذي سواة اللـي عـن النـوم قـزاه طيف حبيب اللي على خاطـرة عـن إن شافـت عيونـه جمـال تمـنّـاه ون وصوّت لقمري لصوت الهوى حن الجارحـه تجـرح وتسـري وتنسـاه وجـروح مجـروح الليالـي تساقـن والخافيـه طعنـة زمـانـه تمثـنـاه والبيّنـه عنهـا عيـونـه يبـوحـن

11.02.2010, 12:50

شكرا لك
جميل ما قدمت
بارك الله فيك

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه للموضوع: ديوان سمو الأمير خالد الفيصل
الموضوع	كاتب الموضوع	المنتدى	مشاركات	آخر مشاركة
البوم 2011 لحامد زيد وصلك ذهب	ابوانس	الديوان الصوتيPoems audio	1	27.06.2011 10:35
[Style] : استايل ايجى نت الاصدار التاسع باللون الاسود توزيع css خالى من الاخطاء	هاك نت	ركـــن استايلات النسخــه الثالثـــة	0	25.06.2011 08:23
[ شرح ] : الشرح المييز للوحش الروسي حامي الديارKaspersky Internet Security 2012 +الشر	برمجي	مجلس الانترنت والكمبيوتر العام Programs	0	19.06.2011 08:50
[Template] : الوان المجموعات مثل ديوان شبوة	هاك نت	منتديـــــvb4.0.0ــات	0	16.06.2011 04:40
ماذا وجدو في جيب ثوب الملك خالد عندما توفي رحمه الله	كميرا	مجلس الصور العام والغرائب والعجائب Oddity and wonders	0	11.06.2011 11:12

ديوان سمو الأمير خالد الفيصل

مجلس الشعر النبطي Poems Nabatiye

هنا سأضع بين أيديكم ما أحصل عليه من أشعار هذا الشاعر العملاق الذي أثار اعجاب كثير من الناس على المستويين المحلي والدولي ولو يطيب لي إعطاء الألقاب...

الذين يشاهدون محتوى الموضوع الآن : 1 ( الأعضاء 0 والزوار 1)

		حفظ البيانات؟